ԱՎԱՐՏԱԿԱՆ ԴԻՊԼՈՄՆԵՐԻ ՀԱՆՁՆՈՒՄ ԳՊՀ-ՈՒՄ
![](https://gorsu.am/wp-content/uploads/2023/07/357566454_799352821697431_4082065922588367824_n.jpg)
Հունիսի 6-ին Գորիսի պետական համալսարանում տեղի ունեցավ 2022-2023 ուստարվա մագիստրոսի կրթական ծրագրով հեռակա կրթաձևի «Իրավագիտություն», «Սոցիալական մանկավարժություն», «Կառավարում», «Քիմիա», «Ձեռնարկությունների տնտեսագիտություն», «Հատուկ մանկավարժություն» մասնագիտությունների շրջանավարտների ավարտական դիպլոմների հանձնման արարողությունը:
Ողջույնի խոսքով հանդես եկավ ԳՊՀ ռեկտոր Տ. Վանդունցը: Նա շնորհավորեց շրջանավարտներին բուհն ավարտելու կապակցությամբ և մաղթեց մասնագիտական բազում ձեռքբերումներ, անսպառ եռանդ և նպատակասլացություն՝ ապագայի կերտման համար:
Ուսանողների կողմից երախտագիտության ու շնորհավորանքի խոսք հղեց ԳՊՀ շրջանավարտ Ռ. Մանվելյանը՝ կարևորելով հարազատ կրթօջախի տված գիտելիքների համար, որոնք կնպաստեն մասնագիտական ոլորտի զարգացմանը: