ՄԻՋԱԶԳԱՅԻՆ ԳԻՏԱԺՈՂՈՎԻ ՀՐԱՎԵՐ

Ս․թ․ հոկտեմբերի 9-11-ը ԵՊՀ պատմության ֆակուլտետը կազմակերպում է «Հայագիտության արդի խնդիրները և զարգացման հեռանկարները» խորագրով միջազգային գիտաժողով՝ նվիրված Պատմության ֆակուլտետի հիմնադրման 105-ամյակին։

Գիտաժողովի հիմնական ուղղություններն են՝

• հայագիտության պատմություն, տեսություն, մեթոդաբանություն,
• Հայաստանի և հայոց պատմության փուլաբաժանման խնդիրներ,
• հայոց պատմության աղբյուրագիտության, պատմագրության հիմնահարցեր,
• հայագիտությունը և տարածաշրջանային (Կովկաս, Մերձավոր և Միջին Արևելք) ուսումնասիրությունները,
• հնագիտական ուսումնասիրությունները և հայագիտության հիմնախնդիրները,
• ազգագրական (մարդաբանական) ուսումնասիրությունները և հայագիտության հիմնախնդիրները,
• մշակութաբանական ուսումնասիրությունները և հայագիտության հիմնախնդիրները,
• հայ արվեստի պատմության և տեսության ուսումնասիրություններն ու հայագիտության հիմնախնդիրները,
• հայոց պատմության և համաշխարհային պատմության փոխհարաբերությունների տեսական և մեթոդաբանական հիմնախնդիրները:

Առաջարկված հայտերի դիտարկման արդյունքում կառանձնացվեն նաև նոր ուղղություններ:

Հայտերը կարող են ներկայացվել հայերեն, ռուսերեն կամ անգլերեն։

Մասնակցության հայտը և զեկուցման համառոտ տարբերակը (մինչև 500 բառ, հայերեն, ռուսերեն կամ անգլերեն) անհրաժեշտ է մինչև ս․թ․ հուլիսի 1-ը ուղարկել conferencehistory@ysu.am էլհասցեին։

Կազմկոմիտեն ընտրված զեկուցումների վերաբերյալ մասնակիցներին կծանուցի մինչև ս.թ. հուլիսի 10-ը:

Զեկուցումների հիմնադրույթները հրատարակվելու են մինչև գիտաժողովը։

Կազմկոմիտեի  ընտրած զեկուցումները առանձին ժողովածուով հրատարակվելու են մինչև ս․թ դեկտեմբերը։

Ընտրված մասնակիցների կեցության, օդանավակայանից հյուրանոց և հակառակ ուղղությամբ փոխադրման և սննդի ծախսերը կհոգան կազմակերպիչները: