ՇԱՐՈՒՆԱԿՎՈՒՄ ԵՆ ՄԱՍՆԱԳԻՏԱԿԱՆ ԿՈՂՄՆՈՐՈՇՄԱՆ ԱՅՑԵՐԸ ՏԱՐԱԾԱՇՐՋԱՆԻ ԴՊՐՈՑՆԵՐ
ԳՊՀ շարունակական կրթության և կարիերայի զարգացման բաժնի ներկայացուցիչներն այսօր այցելել են Ակների և Վերիշենի միջնակարգ դպրոցներ: Այցի նպատակն էր ավարտական դասարաններում սովորող աշակերտների շրջանում ներկայացնել բուհում գործող և աշխատաշուկայում մեծ պահանջարկ ունեցող մասնագիտությունները, դրանց վարձավճարները, համալսարանի կողմից ուսանողներին ընձեռած հնարավորությունները (կրթաթոշակներ, տրամադրվող զեղչեր, համալսարանում գործող շարժունության ծրագրեր (Erasmus+), պրակտիկայի գործընկերներ):
Նման այցերը շատ կարևոր են, քանի որ հանդիպումներից հետո մասնագիտական կողմնորոշման հարցերը դառնում են ավելի դյուրին, ընդունելության քննություններին նախապատրաստվող դպրոցականների համար հարցեր չեն մնում, օգնում են նրանց կողմնորոշվելու մասնագիտությունների և համապատասխան հաստատությունների ընտրության հարցում, ինչպես նաև նպաստում են բուհ-դպրոց կապի ամրապնդմանը:
Գորիսի պետական համալսարանը 2024-2025 ուստարվա բակալավրի կրթական ծրագրով առկա ուսուցման ընդունելություն է իրականացնում հետևյալ մասնագիտությունների գծով՝
- Կենսաբանություն (առնվազն 70 հազար պետական կրթաթոշակ)
Ընդունելության քննությունները՝ Կ (գ), Ք (գ) կամ Ֆ (գ)
Վարձը՝ 310 հազար ՀՀ դրամ
Անվճար՝ 2, վճարովի՝ 12
- Պատմություն
Ընդունելության քննությունները՝ Հպ(գ), ՀլԳ(գ)
Վարձը՝ 350 հազար ՀՀ դրամ
Անվճար՝ 2, վճարովի՝ 12
- Հայոց լեզու և գրականություն
Ընդունելության քննությունները՝ ՀլԳ(գ), Օտլ(գ)
Վարձը՝ 350 հազար ՀՀ դրամ
Անվճար՝ 2, վճարովի՝ 15
- Անգլերեն լեզու և գրականություն
Ընդունելության քննությունները՝ Անգլ(գ), ՀլԳ(գ)
Վարձը՝ 400 հազար ՀՀ դրամ
Անվճար՝ 2, վճարովի՝ 18
- Կերպարվեստ
Ընդունելության քննությունները՝ Գծն, Գն
Վարձը՝ 350 հազար ՀՀ դրամ
Անվճար՝ 3, վճարովի՝ 15
- Տնտեսագիտություն
Ընդունելության քննությունները՝ Մ(գ), ՀլԳ(գ) կամ Օտլ(գ)
Վարձը՝ 420 հազար ՀՀ դրամ
Անվճար՝ 2, վճարովի՝ 19
- Ինֆորմատիկա և կիրառական մաթեմատիկա
Ընդունելության քննությունները՝ Մ(գ), Ֆ(գ) կամ Անգլ(գ)
Վարձը՝ 390 հազար ՀՀ դրամ
Անվճար՝ 5, վճարովի՝ 15
- Էլեկտրաէներգետիկա
Ընդունելության քննությունները՝ Մ(գ), Ֆ(գ)
Վարձը՝ 310 հազար ՀՀ դրամ
Անվճար՝ 2, վճարովի՝ 15
- Նախադպրոցական մանկավարժություն և մեթոդիկա
Ընդունելության քննությունները՝ ՀլԳ(գ), Մ(գ) կամ Օտլ(գ)
Վարձը՝ 350 հազար ՀՀ դրամ
Անվճար՝ 2, վճարովի՝ 12
