ՄՐՑՈՒՅԹ՝ «ՄԵԾ ՀԱՂԹԱՆԱԿ. ՍԵՐՈՒՆԴՆԵՐԻ ԺԱՌԱՆԳՈՒԹՅՈՒՆ» ԽՈՐԱԳՐՈՎ

«Ռուսական գրքի տուն» ՀԿ-ն հայտարարում է մրցույթ՝ «Մեծ հաղթանակ. սերունդների ժառանգություն» խորագրով՝ նվիրված Հայրենական մեծ պատերազմում ֆաշիզմի դեմ տարած հաղթանակի 80-ամյակին:

Մրցույթին մասնակցությունը անվճար է:

Մրցույթի կազմակերպիչներն են «Անմահ գունդ» հասարակական կազմակերպությունը և «Ռուսական գրքի տունը» Երևանում:

Մրցույթի լեզուներն են հայերենն ու ռուսերենը:

Մրցույթի նպատակները և խնդիրները.

– Մատաղ սերնդի շրջանում վառ պահել Հայրենական Մեծ պատերազմի հերոսների հիշատակը:

– Պահպանել պատմական ժառանգությունը:

– Խրախուսել սերունդներին՝ չմոռանալ սովետական ժողովրդի մեծ սխրանքը:

– Վերագնահատել հաղթանակի արժեքը, հոգու ուժը և մեր երկրի ազատության ու անկախության համար պայքարողների նվիրվածությունը հայրենիքին:

Մասնակցության կարգը և անցկացման պայմանները.

– Մրցույթը անցկացվում է Հայաստանի Հանրապետությունում առցանց կարգով՝ 2025 թվականի մայիսի 15-ից օգոստոսի 1-ը:

– Մրցույթի ղեկավար մարմիններն են՝ կազմկոմիտեն, համակարգողը և ժյուրին:

– Սույն կանոնակարգը և հաղորդակցման տվյալները զետեղված են «Ռուսական գրքի տան» պաշտոնական կայքում և սոցիալական էջերում:

– Մրցույթին կարող են մասնակցել ՀՀ դպրոցների, քոլեջների, վարժարանների աշակերտները և բարձրագույն ուսումնական հաստատությունների ուսանողները:

– Մրցույթն անցկացվում է մեկ փուլով՝ առցանց:

– Յուրաքանչյուր մասնակից ներկայացնում է հայտ, որը պետք է պարունակի մասնակցի մասին տվյալներ:

– Հայտին կից ներկայացվում է տեսահոլովակ (ոչ ավելի, քան հինգ րոպե տևողությամբ), որում մասնակիցը իր բնակավայրում կառուցված  Հայրենական մեծ պատերազմի հերոսների հիշատակին նվիրված հուշարձանի մոտ արտասանում է Հայրենական Մեծ պատերազմի թեմայով հայերեն կամ ռուսերեն արձակ կամ չափածո որևէ ստեղծագործություն: (Եթե բնակավայրում հուշարձան չկա, ապա կարելի է ներկայացնել ցանկացած այլ  բնակավայրի հուշարձանի մոտ):

– Հայտերը կընդունվեն 2025 թվականի մայիսի 15-ից օգոստոսի 1-ը:

– Ժյուրին կամփոփի արդյունքները, իսկ հաղթողների անունները կհրապարակվեն մրցույթի ամփոփիչ միջոցառմանը:

Գնահատման չափանիշներ

– Հուզականություն և արտահայտչականություն:

– Անսխալ կատարում (առանց դադարների և սխալների):

– Տեսարանի ճիշտ ընտրություն:

Արդյունքների ամփոփում և խրախուսում

– Ժյուրիի որոշմամբ 80 հաղթողները կստանան յուրաքանչյուրը  80,000 դրամական պարգև:

– Կազմկոմիտեի որոշմամբ կսահմանվի հատուկ մրցանակ գերազանց արդյունքի համար՝ 800,000 դրամի չափով:

Եզրափակիչ դրույթներ

– Աշխատանքները ընդունվում են haxtanak80@gmail.com էլեկտրոնային հասցեով:

– Մրցույթին ներկայացնելով հոլովակը և անձնական տվյալները՝ մասնակիցը կազմակերպիչներին իրավունք է տալիս օգտագործել ներկայացված նյութը (տեղադրել համացանցում, հեռուստահաղորդումներում, կատարել հետագա կրկնօրինակում և այլն):