ՀԱՆՐԱՊԵՏԱԿԱՆ ՈՒՍԱՆՈՂԱԿԱՆ ԳԻՏԱԺՈՂՈՎ՝ ՆՎԻՐՎԱԾ ԳՊՀ-Ի ՀԻՄՆԱԴՐՄԱՆ 50-ԱՄՅԱԿԻՆ
Գորիսի պետական համալսարանի ուսանողական գիտական ընկերությունը ԳՊՀ-ի հիմնադրման 50-ամյակին նվիրված հոբելյանական միջոցառումների շրջանակներում սույն թվականի հոկտեմբերի 5-6-ը կազմակերպում է հանրապետական գիտաժողով:
Զեկուցումների թեմատիկան ազատ է: Գիտաժողովն անց է կացվելու հետևյալ մասնախմբերով.
Հասարակագիտական և հումանիտար մասնագիտություններ
- Լեզվաբանություն
- Գրականագիտություն
- Մանկավարժություն
- Հոգեբանություն
- Պատմություն
- Իրավագիտություն
Բնագիտական մասնագիտություններ
- Կենսաբանություն
- Քիմիա
- Մաթեմատիկա, ինֆորմատիկա, մեխանիկա
- Ֆիզիկա
Տնտեսագիտական և ճարտարագիտական մասնագիտություններ
- Տնտեսագիտություն
- Էլեկտրոնիկա
- Էլեկտրաէներգետիկա
Գիտաժողովը նախատեսում է առկա կամ հեռակա ձևեր: Գիտաժողովին կարող են մասնակցել բակալավրիատի և մագիստրատուրայի ուսանողներ, ինչպես նաև ասպիրանտներ և հայցորդներ: Դիմելու համար անհրաժեշտ է մինչև 2017 թվականի սեպտեմբերի 15-ը ներկայացնել դիմում-հայտը, զեկուցումը և գիտական ղեկավարի կարծիք-երաշխավորագրի սքանավորած տարբերակը sssgorsu@gmail.com էլեկտրոնային հասցեին:
Այն զեկուցումները, որոնք ԳՊՀ ՈՒԳԸ փորձագիտական հանձնաժողովի կողմից կարժանանան երաշխավորության, կտպագրվեն առանձին ժողովածուով:
Գիտաժողովի անցկացման վայրն է Սյունիքի մարզ, ք. Գորիս, Ավանգարդ 2, Գորիսի պետական համալսարան:
Կից ներկայացվում են գիտաժողովի տեղեկատվական թերթիկը և հոդվածների ներկայացման կարգը: