ԳՊՀ ՄԱՍՆԱՇԵՆՔԻ ԲԱՐԵԿԱՐԳՄԱՆ ԱՇԽԱՏԱՆՔՆԵՐԸ ՇԱՐՈՒՆԱԿՎՈՒՄ ԵՆ
ԳՊՀ ռեկտորի պաշտոնակատար Թ.Մարությանը համալսարանի տնտեսական գործունեության պատասխանատուների հետ շրջայց է կատարել համալսարանի նոր մասնաշենքում, ծանոթացել կատարված բարեկարգման աշխատանքներին և արդյունքներին:
2019 թվականին Գորիսի տարածաշրջանային մանկավարժահոգեբանական կենտրոնի տարածքից ԳՊՀ-ին անժամկետ օգտագործման նպատակով հատկացված մասնաշենքում համալսարանի միջոցներով 2020-2021 թթ.-ին իրականացվել են մասնակի վերանորոգման աշխատանքներ: Մասնավորապես նորոգվել են մասնաշենքի լսարանները, սանհանգույցները, տանիքը, բազրիքները, պատշգամբները, փոխվել են պատուհաններն ու դռները:
Այս տարի նույնպես կշարունակվեն շինարարական աշխատանքները՝ ապահովելու մասնաշենքի ամբողջական վերանորոգումը և գործարկումը: Շինարարական նախագծանախահաշվարկային աշխատանքներն արդեն սկսվել են:
