ՄԵԿՆԱՐԿԵԼ Է ԲԱԿԱԼԱՎՐԻ ԿՐԹԱԿԱՆ ԾՐԱԳՐՈՎ ԱՌԿԱ ՈՒՍՈՒՑՄԱՆ ԸՆԴՈՒՆԵԼՈՒԹՅԱՆ ԼՐԱՑՈՒՑԻՉ ՓՈՒԼԸ
Գորիսի պետական համալսարանում մեկնարկել է 2022-2023 ուստարվա բակալավրի կրթական ծրագրով առկա ուսուցման ընդունելության ընդունելության լրացուցիչ փուլը:
Լրացուցիչ փուլի մրցույթն անցկացվում է մեկ կամ ավելի բուհի՝ մինչև վեց մասնագիտության հայտագրմամբ, եթե տվյալ մասնագիտությունների առարկաներից դիմորդն ունի դրական գնահատականներ, և այդ մասնագիտություններում (անվճար և վճարովի) առկա են թափուր տեղեր:
Լրացուցիչ (թափուր) փուլի մրցույթի համար ընդունելության դիմում-հայտը «dimord.am» կայքի միջոցով անհրաժեշտ է ԳԹԿ ուղարկել էլեկտրոնային (առցանց) եղանակով հուլիսի 19-ից մինչև հուլիսի 26-ը՝ ժամը 18:00-ն:
ԼՐԱՑՈՒՑԻՉ ՓՈՒԼԻ ԹԱՓՈՒՐ ՏԵՂԵՐ
| Ծածկա
գիրը |
Կրթական ծրագիրը | Ընդունելության տեղ/այդ թվում | Ուսման վարձը հազ.դ | |
| անվճար | վճարովի | |||
| 1 | 2 | 3 | 4 | 5 |
| 407 | Տարրական մանկավարժություն և մեթոդիկա | 1 | 23 | 410 |
| 408 | Կենսաբանություն | 2 | 12 | 310 |
| 409 | Մաթեմատիկա | 3 | 15 | 310 |
| 410 | Կերպարվեստ | – | 16 | 350 |
| 411 | Պատմություն | – | 17 | 350 |
| 412 | Հայոց լեզու և գրականություն | – | 17 | 350 |
| 413 | Անգլերեն լեզու և գրականություն | – | 9 | 400 |
| 414 | Տնտեսագիտություն | – | 28 | 420 |
| 415 | Ինֆորմատիկա և կիրառական մաթեմատիկա | 1 | 14 | 390 |
Ծանոթություն
- Լրացուցիչ փուլի մրցույթի անցկացման ժամանակ նախապատվությունը տրվում է տվյալ մասնագիտության քննություններից առավել բարձր միավոր (միավորներ) ունեցող դիմորդին:
- Թափուր տեղերի ընդունելության դիմում-հայտում հայտագրված որևէ մասնագիտությամբ (ըստ հայտագրման հերթականության) ընդունված դիմորդը չի մասնակցում հայտագրված հաջորդ մասնագիտությունների մրցույթին, իսկ չընդունված դիմորդն ըստ հերթականության մասնակցում է հաջորդ մասնագիտությունների մրցույթներին:
- Դիմորդներն անվճար և վճարովի տեղերի մրցույթին կարող են մասնակցել և՛ միասնական քննությունների արդյունքներով, և՛ միասնական քննության արդյունքով ու բուհերի ընդունելության քննությունների ցանկում երկու աստղանիշով (**) նշված մասնագիտությունների առարկաների համար որպես մրցութային գնահատական ընդունելության դիմում-հայտում հայտագրած միջնակարգ կրթության ատեստատի կամ միջին մասնագիտական կամ նախնական մասնագիտական ուսումնական հաստատության ավարտական փաստաթղթի` պետական ավարտական քննությունների գնահատականներով, իսկ պետական ավարտական քննական գնահատականի բացակայության դեպքում` տարեկան գնահատականով:
Հանրապետական ընդունող հանձնաժողովը լրացուցիչ՝ թափուր տեղերի մրցույթի արդյունքները կհաստատի հուլիսի 30-ին:
ԳՊՀ ընդունված դիմորդները սեպտեմբերի 1-ին ԳՊՀ ընդունող հանձնաշողովի սենյակ պետք է ներկայացնեն պահանջվող փաստաթղթերի բնօրինակները։
Հարցերի և խորհրդատվության համար կարող եք դիմել ԳՊՀ ընդունող հանձնաժողովի պատասխանատու քարտուղար Ա. Գալստյանին:
Հեռ.՝ 098-19-67-14 , 077-22-57-27: