ԳՊՀ ՈՒՍԱՆՈՂՆԵՐԸ ՄԱՍՆԱԿՑԵՑԻՆ «ՈՒՍԱՆՈՂԱԿԱՆ ԻՆՔՆԱԿԱՌԱՎԱՐՈՒՄ» ՀԱՅԱՍՏԱՆՅԱՆ ՖՈՐՈՒՄԻՆ
Ս.թ. մարտի 1-2-ը Երևանի պետական համալսարանի ուսանողական խորհրդի նախաձեռնությամբ տեղի ունեցավ «Ուսանողական ինքնակառավարում» հայաստանյան ֆորումը՝ նախատեսված ՀՀ բարձրագույն ուսումնական հաստատությունների ուսանողական խորհուրդների նախագահների և ղեկավար կազմի ներկայացուցիչների համար: Ֆորումն անցկացվեց ԵՊՀ Ծաղկաձորի ուսումնաարտադրական բազայում, որի նպատակը ուսանողական ինքնակառավարման հիմնախնդիրների քննարկումն ու ՀՀ բարձրագույն ուսումնական հաստատությունների ուսանողական ինքնակառավարման մարմինների միջև կապի և փոխգործակցության ամրապնդումն էր։
Գորիսի պետական համալսարանից ֆորումին մասնակցեցին հումանիտար մասնագիտությունների ֆակուլտետի «Պատմություն» մասնագիտության 3-րդ կուրսի ուսանողուհի Մանե Արջունցը և նույն մասնագիտության մագիստրատուրա 2-րդ կուրսի ուսանողուհի Անուշիկ Սահակյանը:
