ԱՄՓՈՓՎԵԼ ԵՆ «ԿԵՐՊԱՐՎԵՍՏ», «ՏԱՐՐԱԿԱՆ ՄԱՆԿԱՎԱՐԺՈՒԹՅՈՒՆ ԵՎ ՄԵԹՈԴԻԿԱ» ՄԱՍՆԱԳԻՏՈԻԹՅՈՒՆՆԵՐԻ ՈՒՍԱՆՈՂՆԵՐԻ ՓՈՐՁՈՒՍՈՒՑՄԱՆ ԱՐԴՅՈՒՆՔՆԵՐԸ
Այս օրերին ԳՊՀ ֆակուլտետներում շարունակվում են 2023-2024 ուստարվա երկրորդ կիսամյակում անցկացված պրակտիկաների պաշպանությունները:
«Կերպարվեստ» և «Տարրական մանկավարժություն և մեթոդիկա» մասնագիտությունների երրորդ կուրսի ուսանողները վեցշաբաթյա մանկավարժական պրակտիկան անցկացրել են Գորիսի թիվ 1 ավագ դպրոցում:
Պաշտպանության ընթացքում ուսանողները ներկայացրին փորձուսուցման ընթացքում իրենց կատարած աշխատանքները, SWOT վերլուծության միջոցով իրենց ուժեղ և թույլ կողմերը, կիրառած մանկավարժական մեթոդներն ու հնարները, այն խնդիրները, որոնք առաջ են եկել դասերի վարման ընթացքում, ձեռք բերած փորձը:
Խոսելով «Կերպարվեստ» առարկայի կարևորության մասին՝ ուսանողների մտահոգությունն այն էր, որ առարկան չհամարվի երկրորդային առարկա, երեխաների մոտ զարգանա սերը արվեստի հանդեպ: Նրանք կարևորեցին դասին դիդակտիկ նյութերով, նկարազարդ գրքերով, էսքիզներով, ցուցանմուշներով աշխատանքը, որոնք դասերը դարձրել են ավելի հետաքրքիր և ուսուցողական, ինչպես նաև զարգացրել են երեխաների երևակայությունը:
«Տարրական մանկավարժություն և մեթոդիկա» մասնագիտության ուսանողները խոսեցին անցկացրած բաց դասերի, այցելությունների, տեղեկատվական հանդիպումների, անհատական և խմբային աշխատանքների, դասալսումների մասին:
Պրակտիկայի պատասխանատուներն իրենց գոհունակությունը հայտնեցին ուսանողներից՝ հետաքրքիր, արդյունավետ և հագեցած դասեր վարելու համար:
