ՀՀ ՎՃՌԱԲԵԿ ԴԱՏԱՐԱՆԸ ՄԵՐԺԵՑ ՀԱՄԼԵՏ ՀՈՎՍԵՓՅԱՆԻ ՀԱՅՑՆ ԸՆԴԴԵՄ ԳՈՐԻՍԻ ՊԵՏԱԿԱՆ ՀԱՄԱԼՍԱՐԱՆԻ

Ս.թ. հունիսի 19-ին Հայաստանի Հանրապետության վճռաբեկ դատարանի քաղաքացիական և վարչական պալատը, քննելով ըստ հայցի Համլետ Հովսեփյանի ընդդեմ «Գորիսի պետական համալսարան» ՊՈԱԿ-ի (այսուհետ` Կազմակերպություն) աշխատանքային պայմանագիրը լուծելու մասով անհատական իրավական ակտն անվավեր ճանաչելու (վերացնելու) նախկին աշխատանքում վերականգնելու, հարկադիր պարապուրդի և դրամական հատուցման գումարների բռնագանձման պահանջների մասին, քաղաքացիական գործով ՀՀ վերաքննիչ քաղաքացիական դատարանի 01.03.2019 թվականի որոշման դեմ Համլետ Հովսեփյանի ներկայացուցիչ Մուշեղ Առաքելյանի բերած վճռաբեկ բողոքը քննության ընդունելու հարցը, որոշեց.

1. Թիվ ՍԴ3/0326/02/18 քաղաքացիական գործով ՀՀ վերաքննիչ քաղաքացիական դատարանի 01.03.2019 թվականի որոշման դեմ Համլետ Հովսեփյանի ներկայացուցչի բերած վճռաբեկ բողոքը վարույթ ընդունելը մերժել:
2. Որոշումն օրինական ուժի մեջ է մտնում կայացման պահից, վերջնական է և ենթակա չէ բողոքարկման: