ԳԻՏԱԿԱՆ ԱՇԽԱՏԱՆՔԻ ՄՐՑՈՒՅԹ
ԵՊՀ պատմության ֆակուլտետը ԽՍՀՄ ակադեմիկոս Հ. Մանանդյանի ժառանգների աջակցությամբ հայտարարում է գիտական աշխատանքի մրցույթ՝ նվիրված ԽՍՀՄ ակադեմիկոս, ականավոր հայագետ, պատմաբան, պրոֆեսոր Հակոբ Մանանդյանի(1873-1952) հիշատակին:
Մրցույթի պայմաններ
- Մրցույթին կարող են մասնակցել ԵՊՀ Պատմության ֆակուլտետում սովորող ուսանողները կամ երիտասարդ գիտնականները՝ առանձին կամ 2-4 հոգանոց աշխատանքային խմբով՝ այլ մասնագիտությունների երիտասարդ գիտնականների ընդգրկմամբ։
- Աշխատանքները պետք է նվիրված լինեն Անտիկ և միջնադարյան Հայաստանի պատմության հիմնախնդիրներից հետևյալներին.
- նյութական և հոգևոր մշակույթ,
- ռազմարվեստի պատմություն,
- պատմական աշխարհագրություն,
- տեղանվանաբանություն,
- պատմական ժողովրդագրություն
- Նախագիծը պետք է ունենա հետևյալ բաժինները․
- Համառոտ բնութագիրը (անոտացիա)
- Ծրագրի նպատակները և խնդիրները
- Հետազոտական նախագիծը
- Իրականացման միջոցներ։ Մեթոդները
- Օգտագործված գրականության ցանկ
Նախագիծը պետք է ունենա առավելագույնը 5 էջ ծավալ (12 տառաչափ, միջտողային հեռավորությունը 1․15)։
Մասնակցության կարգ
Մասնակցել ցանկացողները պետք է մասնակցության հայտ ներկայացնեն մինչև ս.թ. մարտի 31-ը։ Մրցույթի Ժյուրիի կողմից հայտերի հաստատման դեպքում մասնակիցը/մասնակիցները շարունակում են իրենց աշխատանքը և ներկայացնում են հոդված (2500-6000 բառ) մինչև ս.թ. հոկտեմբերի 31-ը։
Աշխատանքները տրվելու են ոլորտի երկու մասնագետների, որոնք ներկայացնելու են կարծիք։
Մրցույթի արդյունքները հայտարարվելու են ս.թ. նոյեմբերի 22-ին։
Մրցույթի մասնակիցները ստանալու են պատվոգրեր։ Լավագույն մասնակիցը պարգևատրվելու է նաև դրամաշնորհով՝ 300–500 հազար դրամի չափով, իսկ աշխատանքը հրատարակվելու է։
Հայտերն անհրաժեշտ է ուղարկել հistory@ysu.am կամ mxoyanhayk@ysu.am էլեկտրոնային փոստով։
Հարցերի դեպքում կարող եք զանգահարել 060-710-601 հեռախոսահամարով։