ՈՒՍՈՒՑՉԻ ՕՐՎԱ ԱՌԹԻՎ

Սիրելի մանկավարժներ,

Սրտանց շնորհավորում եմ մասնագիտական տոնի՝ Ուսուցչի օրվա առթիվ։

Դարեր շարունակ ուսուցիչը, հավատարիմ իր կոչմանը, մեծ նվիրումով, սիրով և անձնուրացությամբ իրականացրել է իր կարևորագույն առաքելությունը։ Հայ ուսուցիչը եղել է լուսավորության կրողը, ազգային ինքնության պահապանը և հայեցի դաստիարակության ջատագովը։

Այսօր շնորհակալությամբ արժևորում ենք նրանց, ովքեր ընտրել են ամենաբարդ, բայց նաև ամենաազնիվ ճանապարհը՝ գիտելիք ու լույս տարածելու ճանապարհը։ Այդ ճանապարհը նշանակում է ստանձնել ազգի ապագան կերտելու մեծագույն պատասխանատվությունը։ Ասում են՝ լավ ուսուցչի ազդեցությունը երբեք չի ջնջվում աշակերտի հիշողությունից․ այն դառնում է կյանքի ուղեցույց, ձևավորում է անհատականությունը և նպաստում արժեքների ամրապնդմանը։

Սիրելի ուսուցիչներ, թող Ձեր ուսուցչական ուղին միշտ լցված լինի սիրով, երախտագիտությամբ և սերունդների արժանավայել գնահատանքով։ Թող Ձեր սերմանած լույսը երբեք չմարի, իսկ Ձեր աշակերտների հաջողությունները դառնան Ձեր աշխատանքի լավագույն վկայությունը։

Մաղթում եմ Ձեզ առողջություն, հոգու խաղաղություն և անսպառ ոգեշնչում՝ շարունակելու Ձեր լուսավոր առաքելությունը։

ՏԻԳՐԱՆ ՎԱՆԴՈՒՆՑ

Գորիսի պետական համալսարանի ռեկտոր