ՀԱՍՏԱՏՎԵԼ Է ՄՀԵՐ ՔՈՒՄՈՒՆՑԻՆ ԲԱՆԱՍԻՐԱԿԱՆ ԳԻՏՈՒԹՅՈՒՆՆԵՐԻ ԴՈԿՏՈՐԻ ԳԻՏԱԿԱՆ ԱՍՏԻՃԱՆ ՇՆՈՐՀԵԼՈՒ ՄԱՍԻՆ ՈՐՈՇՈՒՄԸ

Ուրախ ենք տեղեկացնելու, որ Բարձրագույն կրթության և գիտության կոմիտեի նախագահի՝ 2026 թ. հուլիսի 3-ի  թիվ 117-Ա/1 հրամանով հաստատվել և դիպլոմով ամրագրվել է Հր. Աճառյանի անվան լեզվի ինստիտուտում գործող ԲԿԳԿ-ի 019 Լեզվաբանության մասնագիտական խորհրդի որոշումը՝ բ.գ.թ., դոցենտ Մհեր Սուրենի Քումունցին բանասիրական գիտությունների դոկտորի (Ժ.02.01 թվանիշով) գիտական աստիճան շնորհելու մասին:

Շնորհավորում ենք մեր գործընկերոջը՝ մաղթելով մասնագիտական ձեռքբերումներ, շարունակական հաջողություններ գիտակրթական ոլորտում: