ԹԱՆԳԱՐԱՆԱՅԻՆ ՊՐԱԿՏԻԿԱՅԻ ՇՐՋԱՆԱԿՈՒՄ
Գորիսի պետական համալսարանի «Կերպարվեստ» մասնագիտության 3-րդ կուրսի ուսանողները ԳՊՀ ընդհանուր մանկավարժության և հատուկ կրթության ամբիոնի ասիստենտ Կարինե Գրիգորյանի ղեկավարությամբ թանգարանային պրակտիկայի շրջանակում այցելեցին Գորիսի Հ. Իգիթյանի անվան գեղագիտության ազգային կենտրոն, Գորիսի քաղաքային պատկերասրահ, Գորիսի երկրագիտական թանգարան, Սերո Խանզադյանի տուն – թանգարան, ճարտարապետ-նկարիչ Յաշա Խաչյանի արվեստանոց, Սուրբ Հռիփսիմե եկեղեցի: Այցելությունները շարունակվել են նաև Սիսիանում` Ազգային պատկերասրահի Սիսիանի մասնաճյուղ, Սիսիանի Զախար Խաչատրյանի անվան գեղարվեստի դպրոց, Զորաց քարեր, Սիսիանի Սուրբ Գրիգոր Լուսավորիչ եկեղեցի, «Սիսիան կերամիքս» Վահագն Համբարձումյանի արվեստանոց, նույն կուրսի ուսանողուհի Ալիսա Ավետիսյանի ֆոտոստուդիա, Որոտնավանքի վանական համալիր:
