ԳՊՀ-ՈՒՄ ՄԵԿՆԱՐԿԵԼ Է ԱՄՓՈՓԻՉ ԱՏԵՍՏԱՎՈՐՄԱՆ ԳՈՐԾԸՆԹԱՑԸ
2025-2026 ուստարվա ամփոփիչ ատեստավորման գործընթացի կազմակերպման հրամանի համաձայն՝ ԳՊՀ֊ում մեկնարկել են բակալավրի կրթական ծրագրով առկա և հեռակա կրթաձևերի և մագիստրոսի կրթական ծրագրով առկա կրթաձևի շրջանավարտների ավարտական աշխատանքների ու մագիստրոսական թեզերի պաշտպանությունները:
Այսօր տեղի են ունեցել մագիստրոսի կրթական ծրագրով առկա ուսուցման «Կենսաբանություն» և «Քիմիա», բակալավրի կրթական ծրագրով հեռակա ուսուցման «Քիմիա» և «Դեղագործական քիմիա» մասնագիտական կրթական ծրագրերի շրջանավարտների ավարտական աշխատանքների և մագիստրոսական թեզերի պաշտպանությունները:
Ամփոփիչ ատեստավորման հանձնաժողովի նախագահն էր ՀԱԱՀ կենսագիտության և ընդհանուր քիմիայի ամբիոնի վարիչ, ք.գ.դ., դոցենտ Լուսինե Հարությունյանը:
Այս ուսումնական տարում ԳՊՀ–ն «Կենսաբանություն» մասնագիտական կրթական ծրագրով մանկավարժության մագիստրոսի որակավորում է շնորհելու 5 շրջանավարտի, «Քիմիա» մասնագիտական կրթական ծրագրով մանկավարժության մագիստրոսի որակավորում՝ 3 շրջանավարտի, «Քիմիա» մասնագիտական կրթական ծրագրով մանկավարժության բակալավրի որակավորում՝ 5 շրջանավարտի, «Դեղագործական քիմիա» մասնագիտական կրթական ծրագրով քիմիայի բակալավրի որակավորում՝ 9 շրջանավարտի:
